САХАМ СИРЭ. Карточки

Кэнники сылларга төрөөбүт тылбыт эйгэтэ кыараан, тыл толору кыаҕа туһаныллыбат буолла. Аан бастакы олук уурулларыгар төрөппүт оҕотун олох кыратыттан кэпсэтэ үөрэтэрэ наадалаах. Онтон оҕо уһуйааҥҥа, оскуолаҕа киирдэҕинэ, иитээччи, учуутал ситимнээх дьарыга эбиллэн биэрэр.

Бу дьарыкка көмөлөөх, дойдубутунан киэн туттарга, бэриниилээх буоларга иитэр «Сахам сирэ» диэн биллэрэр-көрдөрөр карточкалары оҥордубут. Манна киэн туттар, дойдубутун ааттатар бэлиэлэри, өйдөбүллэри, о.д.а. билиһиннэрэбит. Оҕо ситимнээх саҥатын сайыннарар биллэрэр-көрдөрөр тэттик тиэкистэри, хоһооннору, өс хоһооннорун, таабырыннары, ыйытыктары таҥан киллэрдибит.

Саха буолан сандаарар, киһи буолан килбэйэр дьону иитэн-үөрэтэн таһаарыҥ. Ситиһиилээхтик дьарыктаныҥ, сайдыҥ.