Якутская литература

Кырааскалыыр кинигэҕэ саха норуотугар киэҥник биллибит, оҕо сөбүлүүр, сэргээн ааҕар остуоруйалара, кырааскалыырга аналлаах сорудахтаах ойуулар киирдилэр. Бу остуоруйаларга сырдык-хараҥа, үтүө-мөкү охсуһуута, олох мөккүөрэ, күннээҕи олох быһыыта-майгыта, норуот сырдык ырата түмүллэн көрдөрүллэр. Кинигэ оҕо бириэмэтин туһалаахтык атаарарыгар, эбии дьарыктанарыгар, айар дьоҕурун сайыннарарыгар аналлаах. Айаҥҥа, сынньалаҥҥа илдьэ сылдьарга табыгастаах.

Кинигэҕэ киирбит судургу хоһооннор оҕо дьону кытта алтыһарыгар, тутта-хапта сылдьарыгар, чэгиэн-чэбдик буоларыгар сөптөөх үөрүйэхтэри иҥэриэхтэрэ, ситиһиилээх киһи буола улаатарыгар олук ууруохтара.

Кинигэҕэ Саҥа дьылга аналлаах хоһооннор, ырыалар, сценарийдар киирдилэр. Төрөппүт, иитээччи, учуутал оҕону ыллыыр-туойар, кэрэни кэрэхсиир дьоҕурун сайыннарарыгар аналлаах.

Оҕо уһуйааннарын иитиллэччилэригэр уонна алын сүһүөх кылаас үөрэнээччилэригэр аналлаах олоҥхо.

Н.Е. Мординов–Амма Аччыгыйа аатынан Харбалаах орто оскуолатын алын кылааһын учуутала С.Р. Иванова Амма Аччыгыйа «Тоҕус төгүл «Тоҕо?» айымньытын оҕолорго аахтаран баран, бэйэлэрэ Амма Аччыгыйын курдук айан «Онус «Тоҕо?» кэпсээннэри суруйалларыгар хас да сыл оскуола иһинэн куонкурус тэрийэн саҕалаабыт. Ол куонкуруһу кэнники 20 сыл устата Харбалаахтааҕы үөрэхтээһин холбоһугун саха тылыгар уонна литэрэтиирэтигэр учууталлара В.С. Кривошапкина, В.П. […]

Оҕону сайыннарар сорудахтардаах остуоруйа аан бастаан таҕыста: араас сорудахтары толорон, оҕо толкуйдуур, өйү сытыылыыр дьоҕурун сайыннарар, уруһуйдаан айар талаанын таһаарар, ону тэҥэ суоттуурга, суруйарга үөрэнэнэр. Бу үөрүйэхтэри оҕоҕор «Таал-Таал эмээхсин» остуоруйаны ыллаххына сайыннарыаҥ. Манна эбии Play Маркеттан, Appstore-тан сыһыарыыны хачайдаатаххына, оҕоҥ остуоруйаны артыыстар ааҕалларын истиэ, өссө оонньоон дуоһуйуо.

Кырачаан ааҕааччы төрөөбүт дойдутун хамсыыр харамайын, үүнээйитин туһунан тэттик хоһооннору ааҕан, тупсаҕай ойуулары кэрэхсии көрөн тулалыыр эйгэтин кытта билсиэ, айылҕаҕа харыстабыллаахтык сыһыаннаһыа. Таабырыннары таайан толкуйдуу үөрэниэ, өйүн сытыырхатыа.

2–3 саастаах оҕону кытта дьарыктанарга аналлаах сорудахтаах кинигэ өҥ-дьүһүн, сыыппара уонна ахсаан, саҥаны сайыннарыы, толкуй, тулалыыр эйгэ, сурук үлэтэ диэн хайысхалардаах. Бу кинигэ үөрэх литературатын таһаарар Арассыыйа биир бастыҥ «Учитель» кинигэ кыһатын кытта оҥоһулунна. Сорудахтар оҕо хал буолбакка, сылайбакка дьарыктанарын ситиһэр гына таҥыллыбыттар.