Ойуу кинигэ в ассортименте

Былыр-былыргыттан өбүгэлэрбит, остуоруйа кэпсээн, оҕолорун үчүгэйи-куһаҕаны араарарга, толкуйдуурга үөрэтэллэрэ, олоххо бэлэмнииллэрэ. Бу остуоруйа киһи майгытын күлүк өттүн көрдөрөр. Ол курдук, биһирэмнээх дьоруой суох. Оҕо олоххо көстөр араас быһыыны-майгыны, дьон үчүгэй да, омсолоох да өрүтүн арааран өйдүү үөрэниэ.

Талааннаах худуоһунньук, суруйааччы Пётр Багин кинигэ нөҥүө ааҕааччытын «айылҕа галереятын» устун күүлэйдэтиэҕэ, тыа маанылаах кыылларын уонна кѳтѳрдѳрүн билиһиннэриэҕэ. Суоллары сыныйан көрүөҕүҥ эрэ! Сур бөрө суола дуу, ыт хааман ааспыт суола дуу? Бу мас көҥдөйүгэр ким уйаламмытый? Бороҥ куобах дуу, моҕотой обургу хорооно дуу? Дьэ, бу кинигэни арыйыаҕыҥ, ким-туох суола буоларын билиэҕиҥ.